Американската амбасадорка во Скопје, Анџела Агелер, ќе ја напушти функцијата во јануари 2026 година, како дел од масовното отповикување на дипломати спроведено од администрацијата на Доналд Трамп. Македонија се најде на листата од 29 земји ширум светот каде Вашингтон ги повлекува шефовите на дипломатските мисии назначени во времето на Бајден.
Иако Агелер е дипломат од кариера, таа е опфатена со вториот бран на промени чија цел е дипломатскиот кор целосно да се усогласи со агендата „Америка на прво место“.
Од Стејт департментот појаснуваат:
„Амбасадорот е личен претставник на претседателот. Станува збор за стандардна процедура со која се обезбедува дека нашите пратеници во странство ги промовираат приоритетите на новата администрација.“
По напуштањето на Скопје во јануари, Агелер ќе биде вратена во Вашингтон каде ќе добие нови задолженија во рамките на дипломатската служба.