По состанокот во Мар-а-Лаго, американскиот претседател Доналд Трамп и украинскиот претседател Володимир Зеленски објавија значаен напредок во разговорите за завршување на конфликтот во Украина. Иако средбата беше опишана како „одлична“, Трамп предупреди дека остануваат неколку незгодни прашања, пред сè статусoт на окупираните територии.
Зеленски информираше дека е постигнат договор за околу 90% од мировниот план од 20 точки, додека Трамп нагласи дека безбедносните гаранции за Украина се речиси 95% дефинирани. Сепак, американскиот лидер не вети директно распоредување на трупи за заштита од идни напади.
Главниот камен на сопнување останува регионот Донбас. Предлогот оваа територија да стане демилитаризирана зона сè уште е без конечно решение.
„Дел од таа земја е окупирана. Дел од таа земја може да биде спорна, но би можела да биде окупирана во следните неколку месеци. Тоа е многу тешко прашање, прашање што ќе се реши“, изјави Трамп по состанокот.
Дипломатските активности продолжуваат следната недела со нови средби на американските и украинските тимови, а за во јануари се најавуваат состаноци во Белата куќа и во Париз со цел финализирање на мировната рамка.