Ратко Младиќ, кој почина во затворот во Хаг, во 1994 година доживеа тешка семејна трагедија кога неговата 23-годишна ќерка Ана беше пронајдена мртва во семејниот дом во Белград.
Според официјалната верзија на настаните, на 24 март 1994 година, студентката по медицина извршила самоубиство со пиштолот на нејзиниот татко, додека членовите на семејството исто така биле во куќата.
Шпекулации и теории околу мотивите
Околностите околу нејзината смрт со години беа предмет на разни обвинувања и медиумски шпекулации. Како една од можните причини се наведуваше смртта на млад човек со кого наводно била блиска, а кој загина за време на војната во Босна и Херцеговина, иако за ова никогаш не беше понудена официјална потврда.
Во јавноста се појавија и сомнежи околу локацијата на оружјето и други детали од местото на настанот. Самниот Младиќ со текот на годините ја отфрлаше можноста неговата ќерка да си го одзела животот и тврдеше дека таа „умрела“.
Длабок траг врз семејството
Ана беше погребана на гробиштата Топчидер во Белград, а нејзината смрт остави длабок белег врз целото семејство, при што блиските постојано истакнуваа дека Младиќ исклучително тешко ја поднел загубата.
Покрај ќерката Ана, тој го има и синот Дарко Младиќ, кој во изминатите години често истапуваше во јавноста во врска со здравствената состојба на неговиот татко и барањата за негово лекување надвор од притворот во Хаг.