77-годишен маж од велешкото село Мамутчево бил пронајден починат покрај автопатот Градско–Велес, откако бил прегазен од патничко возило чиј возач го напуштил местото на несреќата.
Несреќата се случила на 5 октомври околу 5:30 часот, на местото викано „Штипска клучка“. Од здобиените повреди пешакот С.М. починал на местото, а лекар констатирал смрт.
По наредба на јавен обвинител, телото на починатиот е предадено во Судска медицина за обдукција. Полицијата работи на расчистување на случајот и утврдување на идентитетот на возачот кој го напуштил местото на несреќата.