Министерот за внатрешни работи, Панче Тошковски, во гостување на ТВ 21 најави дека денеска ќе биде поднесена обемна кривична пријава против десет лица инволвирани во случајот со марихуаната што беше запленета на српска територија.
Според министерот, истрагата довела до основани сомневања дека овие лица се директно или индиректно поврзани со производството и транспортот на дрогата. Двајца од осомничените веќе се наоѓаат во притвор.
„Во текот на денешниот ден ќе се отпочне со поднесување на кривична пријава до ОЈО за гонење организиран криминал и корупција, која опфаќа 10 лица, од кои двајца се веќе во притвор, каде што овие 10 лица се директно или индиректно поврзани со произведена дрога“, изјави Тошковски.
Случајот сега се префрла во рацете на Обвинителството за гонење организиран криминал и корупција, кое ќе треба да ги процесуира доказите против групата.