УХМР ги измери температурите во градовите низ Македонија, во осум часот утринава.
Според податоците од Управата за хидрометеоролошки работи, утрово е најсвежо на Попова Шапка, каде се измерени 15 степени, по што следи Берово со 16 степени и Маврово со 18.
Најтопло утринава е во Гевгелија со 26 степени, по што следи Кавадарци со 25 степени.
Во Скопје утрово во осум часот се измерени 22 степени.
Денеска нѐ очекува променливо облачно време со чести сончеви интервали. Во попладневните и вечерните часови на повеќе места ќе се создадат услови за локална нестабилност, проследена со пороен дожд, грмежи и краткотрајно невреме. Ќе дува слаб до умерен северозападен ветер, кој долж Повардарието повремено ќе се засилува.
Утринските температури ќе се движат од 9 до 20 степени, додека дневните ќе достигнат од 29 до 36 степени.
Во Скопје ќе преовладува променливо облачно време со сончеви периоди. Во попладневните часови во одделни делови од котлината се можни краткотрајни врнежи од дожд проследени со грмежи. Ќе дува слаб до умерен ветер од северозападен правец. Температурата ќе се движи од минимални 18 до максимални 34 степени.
Во следните неколку дена времето главно ќе биде стабилно и топло, со умерен северен ветер, кој на места повремено ќе биде засилен. Локална нестабилност со пороен дожд, грмежи и засилен ветер се очекува во четврток и повторно во недела.