Тешки повреди: Со Ауди се судрил со камион - детали за сообраќајката поради која од ноќеска е затворен патот кон Прилеп
Едно лице е повредено во сообраќајна несреќа што се случила еден час по полноќ на патот Прилеп – Битола. Од Министерството за внатрешни работи (МВР) велат дека сообраќајката се случила меѓу товарно возило „ман“ со битолски регистарски ознаки кое било управувано од 58-годишниот битолчанец Д.М. и автомобил „ауди“ со прилепски регистарски ознаки кое го возел 20-годишниот Д.К. од Прилеп.
Во несреќата, како што се наведува во извештајот на МВР, со тешки телесни повреди се здобил 20-годишниот возач на автомобилот „ауди“ кои биле констатирани во прилепската болница.
По несреќата, увид на местото извршила екипа на СВР Битола.
Сообраќајната несреќа е причина за пренасочување на возилата, кои во делот меѓу Прилеп и селото Лагов возат по стариот пат, информираат од Автомото сојузот на Македонија (АМСМ).
Екипи на Јавното претпријатие „Македонија пат“ се на местото на сообраќајката и работат на расчистување на возилата и нормализација на сообраќајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
