Автобус кој сообраќал на регионалниот пат RN24 од градот Сетиф се лизнал и паднал во клисура, објави алжирскиот портал TSA Algerie.
Официјалните причини за излетувањето на возилото сè уште не се соопштени од страна на надлежните органи.
Екипите на Цивилната заштита на Алжир веднаш излегоа на терен, ангажирајќи речиси целосни човечки и материјални ресурси, меѓу кои и 11 возила на итна медицинска помош.
Опсежната спасувачка операција на местото на несреќата траеше до раните попладневни часови.
Локацијата каде што се случи несреќата ја посети и алжирскиот премиер Сифи Гриб, кој лично направи увид во состојбите и спасувачките активности.