Седумдесет и петгодишна скопјанка се здобила со тешки телесни повреди во сообраќајна несреќа што се случила на сервисна улица во близина на гробиштата во Ѓорче Петров.
Како што информира МВР, на 30 мај во 10:45 часот во СВР Скопје било пријавено дека патничко возило „Киа“ со скопски регистарски ознаки, управувано од 68-годишниот М.П. од Скопје, удрило во пешакот Д.Т. (75), исто така од Скопје.
Во несреќата, пешачката се здобила со тешки телесни повреди, констатирани во Градската општа болница „8 Септември“.
Увид на местото на настанот извршила екипа од СВР Скопје.