УХМР ги измери температурите во градовите низ Македонија, утринава во осум часот. Според мерењата на синоптичарите, најстудено ова утро е во Берово каде е измерен само еден степен над нулата.
Пожаране, Крушево и Ѓуриште се најтопли утрово со 12 степени.
Во Скопје се измерени 5 степени во осум часот.
Утрото ќе биде ведро и студено, а во текот на денот ќе преовладува сончево и релативно топло време со мала до умерена локална облачност. Ќе дува слаб до умерен ветер од јужен правец, соопшти Управата за хидрометеоролошки работи.
Минималната температура ќе се движи од -3 до 8 степени, додека максималната ќе достигне од 22 до 28 степени.
Во Скопје се очекува сончево и релативно топло време со мала облачност. Ќе дува слаб ветер од променлив правец. Минималната температура ќе се спушти до 2 степени, а максималната ќе достигне до 26 степени.
Во четврток утрото ќе биде постудено, но во текот на денот ќе преовладува сончево време со мала до умерена облачност.
Во петок и во текот на викендот времето ќе биде променливо облачно, со повремени врнежи од дожд, кои наместа ќе бидат пообилни. Локално се очекуваат поројни врнежи, проследени со ретки грмежи.
Утринските температури ќе бидат во пораст.