УХМР ги измери температурите во осум часот, во градовите низ Македонија. Според мерењата на УХМР, утринава е најсвежо на Попова Шапка, каде се измерени 14 степени во 8 часот. По Попова Шапка следи Берово со 16 степени.
Најтопло утринава е во Гевгелија со измерени 25 степени Целзиусови. Потоа следат Кавадарци со 23 степени и Струмица со 22.
Во Скопје утрово се измерени 20 степени во осум часот, покажаа податоците на УХМР.
Денешниот ден ќе биде претежно сончев со мала до умерена облачност, а во попладневните часови на одделни места се очекува локална нестабилност проследена со пороен дожд и грмежи. Ќе дува слаб до умерен ветер од северозападен правец.
Утринските температури ќе се движат меѓу 8 и 19 степени, додека дневните ќе достигнат од 28 до 36 степени.
Во Скопје времето ќе биде претежно сончево со мала до умерена облачност. Попладне, во одредени делови од котлината, можно е краткотрајно невреме со пороен дожд и грмежи. Ќе дува слаб до умерен ветер од западен правец.
Температурата наутро ќе изнесува околу 15 степени, а во текот на денот ќе достигне до 34 степени.