Тригодишно момче од Србија исчезна вчера во грчкото одморалиште Ханиоти на Халкидики, но по брза потрага беше пронајдено живо и здраво по само 20 минути.
Во потрагата учествувала и Драгица Мариќ, вработена во локалната клиника во Ханиоти, која првично го сподели апелот за исчезнувањето во Фејсбук групата „Грција Инфо“, по што информацијата брзо се прошири на социјалните мрежи.
Според нејзините зборови, таткото на момчето во паника влегол во ординацијата „Халкидики Доктор“ за да бара помош.
Пред тоа, момчето се наоѓало во продавница во Ханиоти заедно со таткото и постарата сестра, но под засега неутврдени околности се одвоило од нив.
Додека таткото се подготвувал да ја извести полицијата, го забележал и го пронашол синот на блискиот градски плоштад.
Мариќ откри дека родителот бил во голем страв поради метежот и многуто луѓе по улиците во вечерните часови.
Сепак, детето не залутало далеку и целата драма заврши без последици, по што момчето веднаш му беше вратено на семејството.