Морничавиот мозаик за животот на починатите Ивана и Катја се склопува во Кривичниот суд. Сведочењето на Мартин Саздов откри дека обвинетиот Стојанче не само што физички ги малтретирал, туку користел и најодвратни методи на уцена. Според сведокот, Стојанче се заканувал дека ќе објави експлицитни видеа за да ја посрамоти Ивана како мајка, што било главната причина поради која таа се вратила во заедничкиот стан и покрај секојдневното тепање.
Сведокот тврди дека Стојанче редовно користел наркотици и се враќал дома агресивен.
Обвинетиот наводно изјавувал дека „не ја сака ни Катја“ и ја навредувал со истите зборови како и сопругата.
Ја принудувал Ивана да вади пари од кредитни картички и ја бркал од сопствениот дом менувајќи ја бравата.
„Ивана ми велеше: ‘Мартин, тој е психопат, ќе нè убие’. За жал, нејзиниот страв се оствари“, истакна Саздов, додавајќи дека по смртта на двете, неговиот мотив за живот е целосно изгубен.