Основниот суд Кавадарци донесе пресуда со која кавадарчанецот Илија Панов (42) е осуден на 16 години затвор за убиството на неговата партнерка, Сузана С.С. (52).
Убиството се случи на 22 јануари 2025 година, кога Панов во нејзиниот дом во Кавадарци ја усмртил партнерката со гушење.
Трагедијата ја открила ќерката на починатата, Д.Т., која веднаш го пријавила настанот.
МВР тогаш соопшти дека по извршените вештачења и анализи во координација со ОЈО Кавадарци, биле обезбедени докази кои недвосмислено покажале дека Илија Панов е сторител на делото.
Панов беше приведен и против него ОВР Кавадарци поднесе кривична пријава за „убиство“ по член 123 од Кривичниот законик. По приведувањето, му беше одреден притвор во траење од 30 дена.