Студентите преку здружението „Студентски отпор“ го прифати предложениот владин модел за субвенциониран студентски оброк со кој месечниот износ би се зголемил од 3. 500 на 4.500 денари.
Од организацијата, сепак, поставуваат два услови – договорените решенија да бидат внесени во Законот за субвенциониран студентски оброк и списокот на компаниите и маркетите да биде јавно објавен пред стапувањето на законот во сила.
Во соопштението наведуваат дека одлуката ја донеле по широки консултации со студентите во рамки на нивните организациски облици, по средбата на која премиерот и министерката за образование понудиле пакет-решение за мерката.
Предложениот модел предвидува воведување нов систем за студентски оброк, наречен „М студентски оброк“, како и зголемување на вкупните месечни средства од 3.500 на 4.500 денари.
Дополнително, предвидено е јавно објавување список на оператори и маркети во кои студентите ќе можат да ги користат средствата, а попустите да важат до крајот на месецот, без оглед дали студентот ја потрошил целата сума од 4.500 денари.