Управата за хидрометеоролошки работи ги измери температурите во Македонија. Ова утро, среда, 23.09.2026 година, најниска утринска температура е измерена на Попова Шапка, само 2 степени.
По Попова Шапка, следи Берово со 4 степени Целзиусови.
Со 16 степени пак, Гевгелија утрово е најтоплото место во Македонија, додека во главниот град се измерени 14 степени.
УХМР воедно ја прикажа и табелата со состојбата со врнежите изминатото деноноќие.
Времето денеска наутро ќе биде ведро и постудено, а во текот на денот ќе биде сончево, со мала до умерена локална облачност. Ќе дува слаб до умерен ветер од северен правец, кој наместа долж Повардарието повремено ќе засилува. Минималната температура ќе биде во интервал од 4 до 12, а максималната ќе достигне од 16 до 24 степени Целзиусови.
Во Скопје ќе биде сончево, со мала до умерена локална облачност. Ќе дува умерен до засилен ветер од северен правец. Минималната температура ќе се спушти до 13, а максималната ќе достигне до 31 степен.
Според најавите од Управата за хидрометеоролошки работи (УХМР), и утре ќе преовладува стабилно време со свежи утра. Во петок се очекуваат врнежи од дожд, кои наместа ќе бидат пообилни. Потоа следува период на стабилно време со пониски утрински температури.