Утрово најстудено е во Берово, каде се измерени -2 степени. Во останатите делови од земјава утринските температури се движат од 1 до 10 степени, соопшти Управата за хидрометеоролошки работи.
Во текот на денот времето ќе биде сончево и релативно топло, со мала до умерена локална облачност. Ќе дува слаб до умерен ветер од јужен правец, а максималната температура ќе се искачи на 22 до 28 степени.
Во Скопје се очекува сончево и релативно топло време со мала облачност. Ќе дува слаб ветер од променлив правец, а максималната температура ќе достигне 26 степени.