Страшното невреме кое ја зафати Грција однесе и прва жртва. Рано изутринава во реонот на Неа Макри, во источниот дел на областа Атика, противпожарните служби извлекле безживотно тело на маж кое било заглавено под автомобил. Според првичните информации, станува збор за државјанин на Полска кој живеел во сутеренски простории.
Несреќниот маж излегол да ја провери состојбата со поплавата пред неговиот дом, по што бил завлечен од моќните водени стихии.
„Интервениравме со четири пожарникари и две возила, но за жал, само беше констатирана смрт. Властите апелираат на максимална претпазливост бидејќи состојбата на терен е критична“, пренесуваат грчките медиуми.