И ова може да биде вест во Република Македонија. 
Резултатите покажуваат дека Македонија станува се попривлечна туристичка и транспортна дестинација.
Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај, пишува на социјалните мрежи пратеникот од ВМРО-ДПМНЕ, Бојан Стојановски.
27,9% раст на патничкиот сообраќај – прво место меѓу земјите кои не се членки на ЕУ+, според ACI Europe.
Меѓународниот аеродром Скопје е рангиран меѓу најбрзорастечките средни аеродроми во Европа, со раст од 28,6%.
Аеродромот Св. Апостол Павле Охрид го забележа најуспешниот месец јули во својата историја.
Во текот на јули, охридскиот аеродром има раст од 41,21% во споредба со истиот месец минатата година.
Овие бројки се потврда дека инвестициите во нови авиолинии, развојот на аеродромите и поддршката на туризмот носат конкретни резултати за македонската економија, пишува Стојановски на ФБ.