Сојузот на синдикати на Македонија (ССМ) утрово ја започна најавената серија блокади, целосно затворајќи ги влезовите на Собранието и главната улица пред законодавниот дом. Ова е почеток на поширока акција на синдикатот со која се инсистира на итно зголемување на минималната плата на 600 евра и линеарен пораст на останатите плати за 100 евра.
Од ССМ порачуваат дека пратениците се директно одговорни за застојот на законските измени.
„Со блокадата ќе биде испратена порака до пратениците дека тие се оние кои го блокираат законот за зголемување на минималната плата повеќе од една година и кои не сакаат да ја прифатат иницијативата на ССМ за намалување на функционерските плати“, велат од Синдикатот.