Лишени од слобода шест возачи за безобѕирно управување возило, сите возеле без возачка дозвола
Во текот на изминатото деноноќие на целата територија на државата, полициските службеници лишија од слобода шест возачи за безобѕирно управување возило и сите управувале возила без возачка дозвола. Од нив по двајца возачи во Скопје и Куманово, а по еден во Струмица и Штип. По целосно документирање на случаите ќе бидат поднесени соодветни кривични пријави.
Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.