Денес времето ќе биде претежно сончево со мала до умерена облачност. Во попладневните часови на одделни места се очекува нестабилно време проследено со пороен дожд, грмежи, засилен ветер и можност за изолирана појава на град. Ќе дува слаб до умерен ветер, од западен правец во западните делови на земјата, а долж Повардарието од југоисточен правец. Утринските температури ќе се движат од 9 до 16 степени, додека дневните ќе достигнат од 25 до 32 степени Целзиусови.
Во Скопје ќе преовладува сончево време со мала до умерена облачност. Попладне во одделни делови од котлината ќе има услови за краткотрајна нестабилност со пороен дожд и грмежи. Ќе дува слаб до умерен ветер од југоисточен правец. Температурата наутро ќе се спушти до 13 степени, а преку ден ќе достигне околу 30 степени.
Во наредните денови времето ќе биде променливо облачно со повремени сончеви периоди. Попладне се очекува локален развој на нестабилна облачност со пороен дожд, грмежи и засилен ветер. Под влијание на циклонска активност, во четврток се прогнозираат поинтензивни врнежи со над 20 литри дожд на квадратен метар, проследени со грмежи, силен ветер и можност за изолирана појава на град.