Собраниските комисии за финансирање и буџет, како и за законодавно-правни прашања, денеска ќе расправаат за предложените измени во законската регулатива што ги уредува игрите на среќа и забавните игри.
Во рамки на амандманската расправа, членовите на Комисијата за финансирање и буџет ќе ги разгледаат поднесените амандмани на предлог-законите, кои се наоѓаат во втора собраниска фаза. За текстовите се доставени околу 50 амандмани.
Идентична точка е предвидена и на дневниот ред на Законодавно-правната комисија, која исто така ќе се изјаснува по предложените измени и амандманските интервенции.