Македонската академија на науките и уметностите (МАНУ) денеска ќе го одбележи својот ден со пригодна свеченост, во рамки на која ќе биде доделено и меѓународното признание „Блаже Конески“.
Одбележувањето ќе започне со положување цвеќе пред споменикот на Блаже Конески, по што ќе следува обраќање на претседателот на МАНУ, академик Живко Попов.
Во рамки на свеченоста ќе ѝ биде врачено меѓународното признание „Блаже Конески“ на годинашната лауреатка Соња Должан од Словенија.
За значењето на признанието и делото на Конески ќе говори дописниот член на Академијата, Венко Андоновски.