Шеесет и осумгодишен велосипедист е тешко повреден во сообраќајна несреќа што вчера се случила на крстосницата на улиците „Џон Кенеди“ и „Кемал Ататурк“ во Скопје.
Според МВР, несреќата била пријавена во 15 часот, а во неа учествувале автомобил „ауди“ со скопски регистарски ознаки, управуван од 29-годишниот Б.А. од скопското село Блаце, и велосипед управуван од 68-годишниот Е.Т. од Скопје.
Велосипедистот се здобил со тешки телесни повреди, кои му биле констатирани во Ургентниот центар при Комплексот клиники „Мајка Тереза“.
На местото на несреќата увид извршила екипа на СВР Скопје.