Преку системот за рана детекција на шумски пожари со смарт-камери во Центарот за управување со кризи, навреме е забележан оган во атарот на селото Никуштак, општина Липково.
Веднаш по детекцијата, за настанот се известени Територијалната противпожарна единица Куманово и подружницата на „Национални шуми“ од Куманово за соодветна интервенција на терен.
Системот им овозможува на операторите во Секторот за операции и координација при ЦУК да ја насочуваат камерата и визуелно да ја следат состојбата во реално време.
На овој начин се обезбедува постојан увид, брза координација на расположливите ресурси и точно утврдување на правецот на движење на пожарот сè до неговото целосно локализирање и гаснење.