Во Скопје вечерва ќе се спроведе 13. теренска дезинсекција против комарци за оваа сезона, најави градоначалникот Орце Ѓорѓиевски.
Третманите ќе продолжат и во наредните денови. За 20 август е планирана теренска дезинсекција против возрасни форми на комарци, додека на 21 август, во раните утрински часови, ќе се изврши авионски третман. Од 23 до 26 август повторно ќе се спроведува теренска дезинсекција.
Од Град Скопје информираат дека активностите се реализираат согласно Годишната програма, законските обврски и Елаборатот изготвен од Центарот за јавно здравје – Скопје и одобрен од здравствените власти.
Според Ѓорѓиевски, во текот на сезоната досега се реализирани повеќе третмани за сузбивање и на ларвите и на возрасните форми на комарци.
За ларви биле спроведени шест третмани, додека против возрасните форми биле реализирани повеќе авионски и теренски дезинсекции во јуни, јули и август.
Градоначалникот најави дека до крајот на сезоната ќе бидат реализирани повеќе од 20 дезинсекции против комарци, со цел континуирана заштита на јавното здравје.
Од Град Скопје посочуваат дека третманите се спроведуваат навремено и според однапред утврдена динамика.