Испишуваме ново поглавје во јавната хигиена! Ова на фејсбук го напиша скопскиот градоначалник, Орце Ѓорѓиевски.
-Специјализираните возила за ЈП „Комунална хигиена“ веќе се предадени на градот и во наредните денови, по завршувањето на правните процедури излегуваат на терен.До крајот на неделава пристигнува и првата испорака од вкупно 3.300 нови контејнери, најголемата набавка досега!, напиша Ѓорѓиевски.
Градоначалникот додаде дека чистиот град значи здравје, достоинство и подобар живот за сите.
-Нашата работа нека биде поттик за поголема грижа, а секоја чиста улица обврска таква и да остане! Скопје предолго губеше поради неодговорноста и неажурноста на претходниците. На таа запуштеност ѝ ставаме крај со работа и конкретни дела! Со силна волја, макотрпна работа и заедничка одговорност, Скопје повторно ќе биде горд град!, напиша тој.