Скопјанецот кој вчера влета на плоштад меѓу луѓе претходно возел 234km/h, а бил и апсен за оружје

Арачиновецот Б.А. е возачот на автомобилот марка „бентли“ кој вчера со поголема брзина се движеше низ скопскиот плоштад, притоа загрозувајќи ја безбедноста на граѓаните, а снимка од оваа сцена беше споделувана и на социјалните мрежи.

Б.А. беше пронајден и казнет, а ќе треба да плати 45 евра парична казна, поради што се крена бура и во јавноста. Потврда за ова стигна и од скопскиот градоначалник Петре Шилегов, кој на социјалните мрежи објави фотографија од записникот кој му е врачен на сторителот.

На истата може да се забележи дека Б.А. е казнет според членот 187, став 6 од Законот за безбедност во сообраќајот на патиштата.

Минатата година во месец декември тој беше дел од акција за дрога и оружје на МВР при што бил извршен и претрес во домот каде полицијата пронашла и нелегално оружје.

Инаку на својот Тик-Ток истото момче неодамна се снимало и како на автопат возело со брзина од 234 километри на час со својот Мерцедес, пркосејќи му на законот.