Кос: Длабоко загрижува насилството за време на протестите во Србија

„Извештаите за насилство за време на неодамнешните протести во Србија се длабоко загрижувачки. Напредокот на патот кон ЕУ бара граѓаните слободно да ги изразуваат своите ставови и новинарите да известуваат без заплашување или напад“, напиша Кос на мрежата X.

За време на протестите во неколку градови во Србија се случи физичко насилство и немири, а во Нови Сад беа запалени канцелариите на партијата СНС, објави Телеграф.

Министерот за внатрешни работи Ивица Дачиќ претходно денес изјави дека некои од повредените полицајци имаат сериозни повреди, а дека се оштетени пет службени полициски возила и 22 парчиња опрема.

Во врска со бројот на повредени граѓани, Дачиќ рече дека сè уште нема точен извештај, но дека е сигурно дека има повеќе од 70, 80 граѓани повредени од блокадите.

„На многу места во Србија видовме напади од блокади врз просториите на СНС, а на неколку места и врз просториите на СПС. Најтешките напади беа врз полицијата, заедно со напади врз граѓани кои не ги поддржуваат, но се поддржувачи на СНС и кои се собраа во голем број пред нивните комитети“, рече Дачиќ.