Мировниот план на САД за Украина, кој според многумина носи „руски потпис“, е директен резултат на блиската соработка помеѓу американскиот претставник Стив Виткоф и Кремљ, анализира „Скај њуз“.
Извештајот открива шокантни детали за активностите на Виткоф, кој наводно го советувал советникот на Путин, Јуриј Ушаков, како да манипулира со Доналд Трамп. Тој дури и го информирал рускиот функционер за претстојната посета на Зеленски на Белата куќа пред таа да се реализира.
„Скај њуз“ го опишува Виткоф како еден вид „корисен идиот“ кој заедно со руските колеги го составил контроверзниот предлог со кој сега се врши притисок врз Киев. И покрај тоа што во секоја друга администрација ова би било скандал од прв ред и причина за итен отказ, Трамп планира повторно да го испрати Виткоф во Москва.
Додека Киев е ужаснат од ваквиот развој на настаните, аналитичарите заклучуваат дека динамиката на моќ во овој однос е многу помалку на страната на Трамп отколку што се мислеше.