Драматично невреме денеска го парализираше Истанбул и поголем дел од западна Турција. Поради екстремно силните ветрови кои во одредени делови на метрополата достигнаа брзина од над 100 километри на час, властите беа принудени целосно да го затворат поморскиот сообраќај низ Босфорот.
Ситуацијата на терен е алармантна – во квартoт Бахчелиевлер паднато дрво тешко повредило пешак, додека во Бакирќој дрвја ги згмечија паркираните возила. Сите фериботски линии меѓу Азија и Европа се во прекин, а летовите на аеродромот во Истанбул се соочуваат со сериозни доцнења поради намалената видливост и опасните налети на ветерот.