Небото над Загреб вчеравечер го прекрија темни облаци. Силен дожд со грмежи зафати пошироко подрачје на Загреб, а најпрво ги погоди Запрешиќ и Самобор.
Државниот хидрометеоролошки завод издаде жолто предупредување за загрепскиот регион кое важеше до полноќ, поради можност од локално поизразени врнежи од дожд проследени со грмежи.
Времето денеска во Македонија ќе биде променливо облачно и топло со сончеви периоди. Ќе дува умерен до засилен ветер (40km/h) од северен правец, особено во источните делови.
Минималната температура ќе биде во интервал од 9 до 18, а максималната ќе достигне од 26 до 34 степени.
Во Скопје, променливо облачно и топло со сончеви периоди. Ќе дува слаб до умерен ветер од променлив правец.
Утре сончево и топло со мала до умерена облачност. Во попладневните часови наместа ќе има услови за појава на краткотраен пороен дожд и грмежи. Ќе дува слаб до умерен северен ветер.