Претседателката Гордана Сиљановска-Давкова денеска во Загреб ќе биде пречекана со највисоки државни и воени почести од хрватскиот претседател Зоран Милановиќ.
Во рамки на официјалната посета на Хрватска, предвидена е тет-а-тет средба меѓу двајцата претседатели, како и пленарен состанок на делегациите на двете земји.
Сиљановска-Давкова ќе се сретне и со хрватскиот премиер Андреј Пленковиќ.
Во агендата е предвидено таа да положи венец на Споменикот на татковината, како и на спомен-бистата на Блаже Конески во градскиот парк „Бундек“.
Во македонскиот Културно-информативен центар во Загреб, претседателката ќе присуствува на отворањето на изложбата „Архивски документи“ на уметницата Жанета Вангели.
Вчера, претседателката ја посети македонската православна црква „Свети Злата Мегленска“ во Загреб, каде што се сретна со претставници на македонската заедница во Хрватска.