По повод националниот празник 2 Август – Илинден, претседателката Гордана Сиљановска-Давкова донесе одлука за помилување на вкупно 25 осудени лица.
Според одлуката објавена во „Службен весник“, шест лица целосно се ослободуваат од понатамошно издржување на затворската казна, додека на останатите 19 осуденици им се скратуваат казнените притвори.
Целосно од остатокот од казната се ослободуваат:
- Илин Љупчо Анушев од Скопје;
- Трајчо Борис Танчев од Кавадарци;
- Амир Надир Саити од Чегране, Гостивар;
- Борче Трајан Настески од Тажево, Македонски Брод;
- Благојче Рубин Петрески од Прилеп;
- Амин Меркис Хајчоски од Осој, Кичево.
Со истата одлука, делумно се намалува затворската казна за уште 19 лица. Најголемо намалување му е одредено на Имер Шефије Јакупи од Зајас, Кичево, кому казната му е скратена за 1 година и 6 месеци, додека на Тархан Узеир Шакиров и Ѓорге Никола Белчев им се намалува за по 8 и 9 месеци. За Исмаиљхаки Хаџиу казната е скратена за 8 месеци, а на останатите осудени лица им се намалува за по 5 месеци.
Меѓу оние со намалени казни за 5 месеци се: Јетула Исмаил Селими, Кадир Наим Зулбеари, Александар Видан Атанасовски, Садат Рамадан Нухији, Стојанче Мите Штеријов, Марјан Јован Антиќ, Христијан Митко Ѓоргиев, Бобан Панче Јосифоски, Антонио Драган Мирчевски, Христијан Боро Крстески, Александар Божидар Георгиевски, Бобан Никола Каранфиловски, Зенула Имер Јусуфи, Алии Метуш Авни и Јахја Мустафа Мухамед.
Одлуката за помилување е донесена врз основа на член 84 од Уставот и Законот за помилување и стапува во сила со денот на нејзиното донесување.