Силен земјотрес го погоди денес северниот брег на Јапонија, но Јапонската метеоролошка агенција соопшти дека нема закана од цунами.
Јапонската метеоролошка агенција (JMA) соопшти дека магнитудата била 7,2, што е намалување од првичната проценка од 6,9.
Според официјалните податоци на тамошните служби, епицентарот на силниот потрес бил во морето покрај источниот брег на префектурата Ивате, на длабочина од околу 50 километри.
За овој настан со свои мерења излегоа и американските сеизмолошки служби кои регистрираа малку поинакви вредности за силата на земјотресот.
Геолошкиот завод на САД (USGS) соопшти дека земјотресот имал магнитуда од 6,9.
Овој најнов потрес предизвика дополнителна загриженост кај населението во Јапонија, со оглед на тоа што земјотресот се случил во област која е погодена од неколку силни земјотреси во последните месеци.