Земјотрес е регистриран денеска околу 14:39 часот по локално време во регионот на Османије, град во јужна Турција, објави Си-Ен-Ен Tурк.
Според турската Дирекција за управување со катастрофи и вонредни состојби (AФАД), земјотресот бил со јачина од 4,1 степен според Рихтер, со епицентар во селото Сумбас на длабочина од околу седум километри.
Земјотресот предизвикал паника кај населението. Не се соопштува за причинета материјална штета и повредени луѓе.
Екипите на АФАД ја следат ситуацијата.