Патниците кои денеска патуваат кон Грција или се враќаат дома се соочуваат со километарски колони и повеќечасовни застои на јужната граница. Поради најавениот штрајк на грчките царински служби, сообраќајот на клучните гранични премини меѓу двете земји се одвива отежнато и под посебен, забавен режим.
Како што пренесуваат надлежните служби, прекинот во работата на грчките цариници директно ги зафати трите главни премини: Евзони (Богородица), Дојрани (Дојран) и Ники (Меџитлија).
Најостра е блокадата за камионите, додека за патничките автомобили пропуштањето се врши според строго утврдена временска динамина.
Во официјалните известувања од граничните служби детално се прецизира режимот на движење и временската рамка на протестот:
„На премините Евзони (Богородица), Дојран (Дојрани) и Ники (Меѓитлија), патничките возила ќе бидат пропуштени еднаш на секои 10 минути во периодот од 6 до 10 часот по грчко време, додека товарниот сообраќај е целосно прекинат.“
Најкритично е на Евзони – турисите да бидат подготвени за чекање
Поради масовниот прилив на туристи во овој период од годината, најголем притисок се бележи на Богородица, каде што редиците возила се формираа уште во раните утрински часови.
Туристичките работници и сообраќајните апелираат возачите да се вооружат со трпение и навреме да го планираат своето патување:
„Поради овој режим, се очекуваат подолги застои и формирање редици, особено на преминот Евзони, кој е најфреквентен за туристите кои патуваат во одморалиштата во Грција. Туристичките организации им советуваат на возачите да ја проверат состојбата на граничните премини пред поаѓање, да испланираат дополнително време за патувањето и да бидат подготвени за евентуални чекања.“
Нормализација се очекува во текот на денот
Иако прекинот на работата е временски ограничен, надлежните предупредуваат дека гужвите нема да исчезнат веднаш по завршувањето на протестот поради напластениот сообраќаен бран.
Според проценките за состојбата на теренот, расчистувањето на колоните ќе трае со часови:
„Иако се очекува дека по завршувањето на штрајкот, сообраќајот постепено ќе се нормализира, зголемениот број возила би можел да предизвика застои во текот на остатокот од денот.“