Млад брачен пар од Арканзас се соочи со законот откако биле фатени во обид да го „трампаат“ своето шестмесечно бебе за пакување пиво и паричен надомест. Таткото Дариен Урбан (22) е осуден на три години затворска казна и дополнителни три години условно, додека мајката Шајлин Елерс (21) помина со шестгодишна условна казна.
Инцидентот се случил во камп во Бивер Лејк, каде родителите дури потпишале и бизарен писмен договор за откажување од родителските права.
„Дарен Урбан и Шајлин Елерс ги пренесуваат нашите права врз нашето момче на Коди Натаниел Мартин за 1.000 долари. Откако ќе го потпишеме ова, нема да се предомислиме и никогаш повеќе нема да ве контактираме“, стои во скандалозниот документ до кој дојдоа истражителите.
Полицијата интервенирала откако сопственикот на кампот ги пријавил родителите. Бебето веднаш било пренесено во болница со знаци на занемарување, а според судската одлука, на ниту еден од родителите не му е дозволен понатамошен контакт со детето.