Цените на енергенсите на европските и глобалните пазари продолжуваат со трендот на раст, при што суровата нафта Брент ја премина границата од 106,04 долари за барел, додека европскиот природен гас повторно се приближува до нивото од 80,51 евра за мегават-час.
Американската сурова нафта WTI (West Texas Intermediate) за фјучерсните договори моментално се тргува во опсег од 101,09 долари за барел.
Индексите на клучните европски берзи забележуваат пад. Германскиот индекс DAX бележи намалување од 0,30 проценти, рускиот MOEX е во пад од 0,11 проценти, додека британскиот FTSE се намали за 0,57 проценти. Минимален пад на вредноста е регистриран и кај американските берзански индекси.
На пазарот TTF во Амстердам, европските фјучерси за природен гас денеска се тргуваа во опсег од 80 до 82,59 евра за мегават-час. Според податоците на платформата Investing.com, цената на фјучерсите на TTF достигна точно 80 евра за мегават-час.
На валутниот пазар, вредноста на еврото во однос на американскиот долар изнесува 1,1639 долари.
Кај берзанските стоки, цената на златото изнесува 4.393,50 долари за тројанска унца, со мало дневно намалување од 0,30 проценти. Пченицата на светските берзи се тргува по цена од 735,75 центи за бушел, забележувајќи пад од 0,74 проценти на дневно ниво.