Close Menu
Press24
    Најново

    Семејствата на загинатите од „Пулс“: Со над 200 предложени сведоци се одолговлекува судењето

    21.11.2026 во 12:50

    Ново мафијашко убиство во Црна Гора: Убиен е Милош Ѓуричковиќ од Шкалјарскиот клан

    21.11.2026 во 12:39

    Манасиевски: Филипче и СДС од ништо се обидуваат да направат скандал со Алта банка

    21.11.2026 во 12:07
    Facebook X (Twitter) Instagram
    • Семејствата на загинатите од „Пулс“: Со над 200 предложени сведоци се одолговлекува судењето
    • Ново мафијашко убиство во Црна Гора: Убиен е Милош Ѓуричковиќ од Шкалјарскиот клан
    • Манасиевски: Филипче и СДС од ништо се обидуваат да направат скандал со Алта банка
    • Паника на бејсбол натпревар: Фатен еден од десетте најбарани криминалци на ФБИ
    • Поднесено обвинение против насилникот од Битола: Ја тепал со тупаници и шамари, ја стегал за вратот и устата
    • ГТА ги сруши сите рекорди: За само 24 часа Росктар заработи 3,8 милијарди долари
    • Драма во Куманово: Пијан истурил две шишиња бензин за да ја запали куќата и своите ќерка и внука
    • Министерство за финансии: Граѓански обврзници може да се запишат до 1 декември во деловните банки
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Семејствата на загинатите од „Пулс“: Со над 200 предложени сведоци се одолговлекува судењето

    Семејствата на загинатите од „Пулс“: Со над 200 предложени сведоци се одолговлекува судењето

    21.11.2026 во 12:503 Mins Read
    Сподели
    Facebook Twitter WhatsApp

    Родителите и роднините на загинатите во пожарот во дискотеката „Пулс“ во Кочани стравуваат дека големиот број сведоци предложени од обраната може дополнително да го развлече судскиот процес и да го оддалечи моментот кога ќе добијат правда за најблиските. 

    Незадоволни се од текот на постапката особено од однесувањето на дел од автокатите на обвинетите.

    Одбраната предложи повеќе од 200 сведоци, иако во текот на постапката дел од предлозите биле повлечени. Родителите сметаат дека ваквиот пристап може да доведе до непотребно одолговлекување на судењето.

    На прашањето дали сметаат дека големиот број сведоци се предлага со цел да се добие време, одговорија:

    „Точно, само за тоа. Се одолговлекува и се разводнува целата ситуација“.

    Родителите посочуваат дека секое ново рочиште претставува дополнителен психички товар. Постојаните патувања од Кочани до Скопје, следењето на сведочењата и повторното соочување со деталите од трагедијата, како што велат, дополнително ја продлабочуваат нивната болка.

    Особено се разочарани од однесувањето на дел од адвокатите, за кои сметаат дека не покажуваат доволно почит кон семејствата на загинатите.

    „Никој не нè прашува како преживуваме секое рочиште, како ни е претходниот ден и како се чувствуваме кога одиме на судење“, велат родителите.

    Од друга страна, Александар Наунов оценил дека досегашното темпо на судењето е интензивно, со приближно едно рочиште неделно, и изразил надеж дека во наредниот период ќе се закажуваат и повеќе термини.

    Семејствата нагласуваат дека не бараат ограничување на правата на обвинетите, туку судскиот процес да се одвива во разумен рок и одлуката да биде донесена врз основа на доказите.

    И покрај физичката и психичката исцрпеност, порачуваат дека нема да се откажат од барањето да се утврди одговорноста за трагедијата во која загинаа нивните најблиски.

    Трагедијата во кочанската дискотека „Пулс“ се случи на 16 март 2025 година, околу 2:35 часот по полноќ, за време на настап на групата ДНК. Во пожарот животот го загубија 63 лица, а повеќе од 200 беа повредени. Несреќата отвори сериозни прашања за безбедноста на објектот, неговото работење, издавањето дозволи и одговорноста на институциите што требало да вршат контрола.

    Во пожарот, предизвикан од искри од пиротехничките средства активирани за време на настапот, огнот брзо се проширил на таванот на објектот. Според обвинението, дискотеката работела без исполнети минимални технички услови, со неправилности во документацијата и реконструкциите и без соодветен систем за противпожарна заштита. Во објектот имало повеќе гости од дозволениот капацитет, а евакуацијата била отежната и поради тесниот излез.

    Судењето за трагедијата започна на 19 ноември 2025 година во Основниот кривичен суд во Скопје, а на обвинителната клупа седнаа 34 физички и три правни лица.

    Обвинителството ги гони за тешки дела против општата сигурност, односно за дејствија и пропусти со кои, според обвинението, придонеле за трагедијата. Во меѓувреме, се води и посебна постапка против полициски службеници поврзана со контролите на објектот.

    Прочитај повеќе

    Манасиевски: Филипче и СДС од ништо се обидуваат да направат скандал со Алта банка

    21.11.2026 во 12:07

    Поднесено обвинение против насилникот од Битола: Ја тепал со тупаници и шамари, ја стегал за вратот и устата

    21.11.2026 во 11:28
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.