Буџетскиот совет на Собранието денеска ќе одржи седница на која ќе се разгледуваат прашања поврзани со буџетското работење на законодавниот дом.
На дневен ред се Предлог-одлуката за давање согласност за изменување на Буџетот на Собранието за 2026 година, како и Предлог-правилникот за начинот и условите за користење на средствата обезбедени во собранискиот буџет за потребите на Советот за граѓански надзор.
Членовите на Советот се очекува да расправаат за предложените решенија и нивната примена во текот на наредната буџетска година.