СДСМ:Со недолично однесување, пратеници на ВМРО-ДПМНЕ ги кочат измените за недела неработен ден
„ВМРО-ДПМНЕ овде во Собранието продолжува со деструкции блокади и кочења на важни законски измени.
Денеска на седница на Комисијата за труд и социјална политика, ВМРО-ДПМНЕ го блокира носењето на измените и дополнувањата на Законот за работни односи.
Со овие измени кои на сила треба да стапат на први октомври, недела станува неработен ден за сите кои сакаат да бидат со своите семејства.
Покрај блокадите и одолговлекувањата денеска членовите на Комисијата сведочат на низок, навредлив и морбиден говор на пратеничката на ВМРО-ДПМНЕ, Рашела Мизрахи“- вака го започна својот говор Бисера Костадиновска Стојчевска, пратеничка на СДСМ.
Костадиновска Стојчевска додаде дека Мизрахи се однесувала некрофилски, зборувала за гробови и смрт, злоупотребувајќи ја тагата на семејствата на починатите во пожарот во Тетово, злоупотребувајќи ги чувствата на семејствата на починатите од коронавирусот.
„ВМРО-ДПМНЕ секој ден го пробива сопственото дно на неодговорното и нехумано однесување.
Наместо да работат за она што се платени, да им служат на граѓаните и државата, пратениците на опозициската партија на најподмолен начин тераат политиканство и лични интереси.
Со ваквиот однос да немаат дилема дека им следува нов седми пораз од граѓаните кои уште еднаш ќе ги поразат ваквите погубни и неодговорни политики на ВМРО-ДПМНЕ и неговите пратеници“- додаде пратеничката од редовите на СДСМ.
21.09.2021 - 15:10
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
