Додека граѓаните на Македонија секојдневно се соочуваат со економски колапс, бран поскапувања и драматично зголемување на сиромаштијата, власта прави театар со најавената реконструкција.
Од опозициската СДСМ утринава обвинија дека средбите меѓу ВМРО-ДПМНЕ и ЗНАМ не се ништо друго освен обична козметичка операција и обид за мачкање очи на јавноста.
Според Бихаќка, новата коалициска средба се случува во моменти кога партијата ЗНАМ се распаѓа, иако нивните кадри самите за себе тврдат дека „одлично работат“.
Опозицијата потенцира дека дури и самиот премиер Христијан Мицкоски јавно признал дека неговите функционери повеќе се грижат за фотелјите отколку за реалните маки на луѓето.
Од СДСМ порачуваат дека додека државата се соочува со пад на инвестициите од 60 отсто и целосно потрошен буџетски дефицит, власта продолжува неодговорно да си игра со министерските позиции.
Интегралното соопштение од Центарот за комуникации со јавноста на СДСМ ви го пренесуваме во продолжение, прецизно по пасуси:
„Додека граѓаните се соочуваат со економски колапс, поскапувања, зголемување на сиромаштијата, организираната криминална група ВМРО и ЗНАМ продолжуваат со театарска претстава наречена „реконструкција на Владата“, стои во соопштението на СДСМ што МИА го објавува интегрално.
Денесја е закажана нова средба, меѓу ВМРО и ЗНАМ – непостоечко здружение, сателит на Мицкоски кое се распаѓа, и кои за себе велат дека нивните кадри „одлично работат“.
Во исто време, Мицкоски на роденденската прослава на својата партија призна дека функционери кои повеќе се грижат за своите позиции отколку за граѓаните, дека се недостапни и далеку од реалните проблеми на луѓето.
Изгледа дека функционерите го презеле моделот на однесување од Мицкоски. Ова таканаречената реконструкција не е ништо друго освен козметичка операција и обиди за мачкање очи на јавноста.
Наместо да се соочат со вистинските проблеми кои ги мачат граѓаните, економскиот колапс, падот на инвестициите за 60 отсто, буџетскиот дефицит кој е скоро целосно потрошен, и масовното заминување на младите – власта продолжува да си игра со министерски фотелји. Како да постои некаква разлика, со оглед на тоа што Мицкоски сѐ води сам, исто како и во својата партија.
Реконструкција без вистински реформи, без одговорност… е само нова шминка. Граѓаните не сакаат „нови“ министри кои ќе продолжат со истата политика на долгови, изолација и сиромаштија.
Сакаат вистински резултати и вистинска одговорност. ВМРО и ЗНАМ можат да си менуваат министри колку сакаат. Проблемот не е само во луѓето на фотелјите – проблемот е и во политиката која ја водат а тоа со нив не се менува.“