СДСМ во соопштение наведува дека министерката за финансии најпрво упатила покана за средба за, како што велат, „појаснување на состојбите“, која веднаш била прифатена од опозициската партија.
Од СДСМ додаваат дека вчера пратениците ја повикале министерката во Собрание на Северна Македонија, но таа не се појавила на седницата.
-Прво повикува, а потоа бега. Бега затоа што јасно баравме средбата да биде јавна, пред камери, пред граѓаните. Да ни објасни како за две години ја задолжија државата со нови 2,5 милијарди евра, како долгот стигна до 11,3 милијарди и зошто бара нови кредити за нови тендери. Ја нема. Зошто? Затоа што не може да објасни. Како и секогаш кај ВМРО – сè е лага и пропаганда. Кога треба да одговараат со факти и бројки, тие бегаат или создаваат нов дефокус. Граѓаните заслужуваат вистина, а не алиби и театар. Одговорност, реформи – Европа сега, велат од опозицијата преку соопштение до јавноста.