Граѓаните со денови бараат јасен и конкретен одговор од Министерството за правда, Филков и Христијан Мицкоски: Дали се испратени барањето и документите за екстрадиција на Никола Груевски?; прашуваат од СДСМ.
„До кога треба да чека народот?
ЗНАМ тотално се распаѓа, а Мицкоски веќе го стави Филков на листата за смена во најавената реконструкција на Владата, граѓаните заслужуваат да знаат:
Кој е вистинскиот налог што Мицкоски му го дал на Филков?
Дали да го штити Груевски или да биде уапсен?
Што покажуваат анкетите што Мицкоски ги нарачал?
Еден дел од ВМРО е против апсењето на поранешниот претседател на партијата.
Друг дел веќе откажува послушност и не сака да биде дел од криминалната мрежа.
Исто како што пратеници и советници масовно го напуштаат ЗНАМ, партијата основана од Максим Димитриевски а финансирана од Мицкоски, така и луѓе од ВМРО-ОКГ сè повеќе гледаат дека доаѓа време на одговорност.
Мицкоски ја блокира екстрадицијата на Груевски, затоа што со тоа не го штити само Груевски, туку се штити и самиот себе и својата криминална мрежа“, стои во соопштението од СДСМ.