СДСМ: Мицкоски и Апасиев се кријат дека се организатори на насилните протести
СДСМ ги обвини Христијан Мицкоски и Димитар Апасиев дека се организатори на протестите пред Собранието.
„Веќе 7 дена Мицкоски и Апасиев се кријат дека се организатори на насилните протести, со кои сакаат да предизвикаат тензии во државата.
Антиевропската коалиција на ВМРО-ДПМНЕ и Левица, помогната од Алијанса за Албанците се обиде среде Скопје да испровоцира меѓуетнички конфликт од огромни размери.
Инциденти и обид за реприза на 27 април имаше пред зградата на Собранието, како и обид за насилен упад пред зградата на Владата.
Антиевропската коалиција направила измислен, анонимен е-маил, како параван, и праќа фотографии по медиуми од протестите на ВМРО-ДПМНЕ и Левица.
Посебна тема е злоупотребата на деца на фотографиите што се лиферуваат од измислениот мејл“, велат од СДСМ.
Зошто антиевропската коалиција има потреба да се крие кога целата јавност знае дека ВМРО-ДПМНЕ и Левица се организатори?, прашуваат од партијата.
„Ако Мицкоски и Апасиев мислат дека на овој начин ќе се спасат од одговорност за насилствата се лажат.
Јавноста се уште очекува одговори и за улогата на политичкиот дезертер од Армијата, Драган Ковачки со овие настани?
Дали токму Ковачки коорднирал група на поранешни припадници на Армијата во ова крваво сценарио?
Одговорност за насилството и за режираните крвави сценарија мора да понесат сите инволвирани“, владеачката СДСМ.
11.07.2022 - 09:22
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
