Уште само 3 дена остануваат до 1 јуни, до кога Христијан Мицкоски вети дека целосно ќе ја исполни Реформската агенда и обврските за продолжување на европскиот пат, се наведува во соопштението од СДСМ.
3 дена до уште едно неисполнето ветување и уште една голема лага на Мицкоски.
Како што лажеше Мицкоски за враќање на името, за поништување на Преспанскиот договор, како што лажеше дека е загрозен македонскиот идентитет, така и денес лаже за Реформската агенда дека ќе ја заврши до 1 јуни.
За две години непотполно завршија 2 точки, од 10, а останува и клучното, уставните измени и внесувањето на малцинствата во Уставот, обврска без која нема да се помрднеме од мртва точка.
Без тоа, нема продолжување напред во преговорите со ЕУ, нема отворање на следните поглавја, нема нови европски фондови, нема подобар животен стандард за граѓаните.
Нека ги внесе малцинствата во Уставот или нека излезе и пред граѓаните Мицкоски и да признае дека не сака членство во ЕУ.
Мицкоски и ВМРО-ОКГ не сакаат ЕУ затоа што се плашат од европските правила, европското обвинителство и одговорност за криминалот и корупцијата.