Владата на Мицкоски денеска преку министерката за финансии, Кочовска го претстави ребалансот на буџетот како „развоен“, а не како „кризен“. Меѓутоа, самата Кочовска призна дека ребалансот е потребен за да се обезбеди редовна исплата на плати, пензии и социјални надоместоци, се вели во соопштението од СДСМ.
„Со други зборови, без овој ребаланс, државата наскоро нема да има пари ни за основните обврски кон граѓаните.
Ова е директно признание за катастрофалната економска политика на ВМРО-ОКГ.
Наместо да признаат дека буџетот е празен поради нивното расипништво, задолжувања и криминални тендери, тие се обидуваат да го претстават ребалансот како нешто нормално и развојно.
Реалноста е поинаква: по две години власт, ВМРО-ОКГ е принудена да прави ребаланс за да не дојде до блокада во исплатата на платите и пензиите.
Ова е резултат на нивната неспособност, лажни ветувања и економска политика која ја турка Македонија во финансиска криза.
Граѓаните не треба да бидат измамени со зборови како „развоен ребаланс“. Ова е ребаланс на криза која самите ја создадоа.
ВМРО-ОКГ дојде на власт ветувајќи подобар живот, а сега признава дека без нови задолжувања и ребаланс, нема да може да ги исплаќа ниту платите, ниту пензиите.
Тоа е вистинското лице на оваа криминална власт“, велат од СДСМ.