Лидерот на ВМРО-ДПМНЕ, Христијан Мицкоски, повторно покажа дека личните интереси и партиската контрола му се поважни од државата и националните интереси. Неговата посета на премиерот на Унгарија, Виктор Орбан, имаше за цел договарање на враќањето на поранешниот премиер Никола Груевски и рушење на правниот систем во земјава. Мицкоски му ги исполни сите ветувања на Орбан – обезбеди непречено задржување на Груевски во Унгарија, не задолжи 1 милијарда евра, отвори пат за влез на компанијата 4iG во телекомуникациите и следува влез на ќерка-фирма на унгарската Status Energy KFT во енергетиката, велат денеска од опозициската СДСМ, преку соопштение упатено до јавноста.
-Во меѓувреме, Мицкоски ја концентрираше контролата во ВМРО-ДПМНЕ, ги смени потпретседателите на огранците и ја презеде контролата врз судството и обвинителството. Со тоа, тој водеше кампања против предметите на СЈО, со цел рушење на пресудите за Груевски и создавање услови за ослободување на криминалната структура од одговорност. Политичката сцена во Унгарија се менува и поддршката за Виктор Орбан драматично опаѓа по серијата криминални скандали и антиевропските политики со кои одработува за Русија. Дури и од своите поддржувачи Орбан беше исвиркан на митинг, велат СДСМ.
Велат што ќе се случува по падот на Орбан е клучно прашање за предавникот Мицкоски, Орбан и Груевски заедно.
-Што ќе се случи со 40% од медиумите во Македонија кои преку Орбан се ставени во служба и контрола на ВМРО-ОКГ? Што ќе биде со бизнисите на Орбан во Македонија кои Мицкоски му ги озоможи – во енергетиката и телекомуникациите, вклучително и интересите на компаниите како 4iG? Конечно, што ќе се случува со самиот Орбан? Обвинувањата за корупција во Унгарија се сериозни. Дали може да очекуваме и Орбан да дојде во Македонија заедно со Груевски, прашуваат од опозицијата.